Nasasangkot ngayon ang Diamond Star Maricel Soriano sa isyung minaltrato niya diumano ang kanyang dalawang kasambahay. Nagtungo sa isang barangay hall sa Makati City ang dalawang dating kasambahay para ireklamo ng pang-aabuso ang kanila amo.
Nitong nakaraang Biyernes, ipinarating nina May Cahuela, 22 at Camille Acojedo, 18, ang kanilang reklamo laban sa binansagang “Diamond Star” at “Taray Queen” na si Maricel sa Barangay Hall ng Brgy. Poblacion sa Makati nitong Huwebes.
Sinabi ng dating kasambahay na si May Cahuela noong Miyerkules ng gabi nang biglang nag-init ang ulo ni Maricel nang ipaayos sa kanya ang mga gamit na dadalhin nito sa isang studio recording.
“Tinadyakan po niya ako e. Sa isang pagkakamali na hindi dapat na tatadyakan… tinadyakan niya ‘ko dito po,” pahayag ni Cachuela, sabay turo sa kanyang tagiliran.
Matapos maawat ng anak, nagbanta raw ang aktres na kukuha ng baril kaya lalo umanong natakot ang mga kasambahay. Ayon pa kay Alex Reyes, barangay secretary, na ang dalawang kasambahay ay bukod sa pinipisikal, ay nakakakuha ng masasamang salita mula sa Diamond Star. Hindi din daw sila pinapasahod nito. Dinagdag pa ni Reyes na hindi lang ito ang reklamo na nakuha nila sa barangay kung saan dawit ang pangalan ni Soriano.
Noong nakaraang Pebrero, nagreklamo na ang mga dating kasambahay ng aktres.
Nakatakas lang ang dalawang kasambahay dahil sa tulong ng anak ni Soriano na si Sebastian” Chen” Soriano. Hindi pa nagsasampa ang mga kasambahay ng kaso laban sa aktres.
Ipapatawag sa barangay sina Maricel at mga nagrereklamong kasambahay para pagharapin at malinawan ang usapin. Tikom pa rin ang kampo nila Soriano para sa kanilang panig.
Walang komento:
Mag-post ng isang Komento